Kategorien
Sonstiges

Vereinsreise 2022

Am Morge am 9ni heimer üs ds Interlake Ost am Bahnhof troffe u si vo dert us Richtig Spiez gfahre womer dr Krimispass hei absolviert. No vorem Start  het üs Marcel überrascht u begrüesst wo gad het fyrabe gmacht. Alli Beteiligte hei chönne miträtsle u einige het scho ds Hirni grouchnet nach de erste Pöste…nach däm mir d Lösig nid hei usegfunde aber miteme AHA Erläbnis si da gstande hets am Ziel nones Cupcake gää zum Teilä…  u drna simer mitere riese Appenzeller  Fläsche zrügg zu üsem Gfährt, danke René a dere Stell das mer eues Outo hei dörfe bruche u Merci Tinu fürs fahre. Ir Chemihütte hets es Dessert und es Apéro gä u gstercht si när 3 vo üs no i See ga bädle.Bim Bowle hets neui Rekörd gää u schmärzendi Dümme aber trotz allem heimer mega Spass gha und spontan sogar no d Doris dörfe begrüesse Am Abe heimer no meh Lüt i Empfang gno vor Tgs oder Ahang u si när no gmüetlech go Znacht ässe. Danke allne wo si derbii gsi..es het gfägt…

Marina Keller

Eine Antwort auf „Vereinsreise 2022“

Hallo
o churzi Reisli hei ihre Scharm u si meischtens luschtiger als wyti.
Wünsche viel Erfolg i öier erschte Theatersaison mit de der nöie Zämesetzig. Paul

Schreiben Sie einen Kommentar

Ihre E-Mail-Adresse wird nicht veröffentlicht.